Nadal e Capodano in Australia con 40°, anche questa xè un'esperienza!
Per eser sincero, no xè la stesa roba, anche perchè evidentemente quà gli Australiani senti de meno questi eventi, no i ga tanta considerazion de queste festività, l'atmosfera non ga niente a che veder col Nadal, niente addobbi natalizi per strada, niente vetrine pastrociade, insoma sembra un periodo qualunque per lori!
Go avudo modo de discuter piu volte con la gente del posto, per lori non xè niente de strano, anzi xè bel cusi. Ma cosa xè de bel se non ghe xè niente? Poveri, se vedi che xè un popolo novo e che non i ga alba de niente, xè come dei marziani che cerca de copiar noi altri.....ma non i ghe la fà! No ve digo quante discusioni che go fato a riguardo, tanto per farve un esempio,per tv i gà mostrado, come a Sydney, nella famosa spiaggia de Bondi, Babo Natale riva col JetSki, trainando una barcheta cariga de pacheti regalo e i fioi là a spetarlo, Nadal ah?
Provè a spiegarghe anche voi a sti mati che solitamente Santa Klaus usa menar el suo fidato careto trainado dale sue fidade renne, credo sia più naturale e più tradizionale, no? Bon, lasemo perder, mi il Nadal lo go pasàdo con Alessia a Rye, località balneare a 100km da Melbourne ala casa estiva dei nostri parenti, questo xè stado l'unico momento nel quale go vagamente percepido la festività perchè da boni Istriani se gavemo fato una magnada incredibile quasi come casa e se gavemo scambia adiritura i regali:-)!
Questo grazie a delle splendide coghe come Anna e l'immancabile Teta Zora!
Finido el pranzo semo ritornai ala "triste" realtà, pomerigio pasado in spiaggia, caldo de morir, solada compresa e come se non bastasi go perso el mio anel de oro, mentre me rodolavo nel bagnasciuga! Nadal indimenticabile, in tuti i sensi :-) Per l'ultimo dell'anno invece semo tornai parzialmente alla normalità, insieme ad Alessia, Amanda e amici gavemo trascorso la notte dell'ultimo al The Point, un mega Ristorante/Discoteca in Albert Park, per chi che segui la F1, ierimo precisamente dentro el circuito, discotecon alestido su due piani, piu mega tendon all'esterno, affaciado sul lago e come se non bastasi, el mitico Monta( moroso o forsi ex, no sà gnanche lui, de mia cugina), in concert!
Gran gran bel posto, calcolè che sto mega parco sorgi praticamente in centro città, el xè immenso, se estendi per km e colega el centro cità al famoso soborgo de St.Kilda, insoma un vero e proprio polmon per stà cità. Biglieto che gà costado una scioca, 125$, ma in compenso, bever e magnar all inclusive, quindi da bon istrian podè zà imaginar quanto che gò bevù, almeno per 126$ :-)!
5 commenti:
Ma quanto te manca una de fusi col sugo de gallo e un bon bicer de teran?
.....e chi che sà, sà ..... ma te devi anche saver che tra pochi gg torno a Melbourne e la go la mia Istria che me speta con tanto de fusi cola galina :-)
Aaaaaahhhhh....no xè che te me pol mandar una tecia no?
Ciò, altro che magnar e magnar, vedi de tegnirte in forma che qua spetemo tutti che te rivi per i play-off del torneo dell'Area de Ricerca.
Son contento che vadi tutto ben, spero che te gabbi fatto qualche bona conoscenza, roba de babe intendo!
Bon proseguimento!
...ormai,col bulbo alcolico che me ritrovo deso, meo che saludo el calcio...te sa miga se i trasmetti le partide via satelite? Per un torneo de quela levatura i dovesi...riguardo le conoscenze, stà andando ala grande, quà xè un'altro pianeta :-)
Posta un commento