Thailand

Goodbye Australia, Sawadicap Thailand!
Ebbene si, dopo precisamente 11mesi spesi a girar, lavorar, imbriagarme, pensar, rifleter, go lasà la mia amata Australia per avvicinarme a casa ed ecome qua: Thailandia!
Thailandia perché xè sempre stada una mia meta ambita e soprattutto perché sfrutando el volo in Australia e scegliendo precisamente la compagnia Thai Airways go podudo far lo stopover a Bangkok per un periodo massimo consentido de 1mese a gratis. Allora me son dito perché no, el costo del biglietto xè lo steso e nelo steso tempo me poso far un altro signor gireto in un altro meraviglioso paese!
La sera del 14settembre son partido da Melbourne per arrivar a Bangkok allle 6e30 de mattina.
Il tutto acompagnado da una febbre da record personale nei 2gg precedenti la partenza, con un picco massimo de 39,8°! Ovviamente el volo e l’arrivo a Bangkok xè stà bastanza traumatico, scontrarse con la realtà Thai, proprio a Bangkok, credeme no xè el massimo! Distrutto dall’influenza e dal volo pasado senza chiuder ocio me son ritrova 2ore de fila x far el visto turistico, una fila infinita e un caldo teribile all’interno dell’aeroporto probabilmente amplificado dala mia temperatura. Quindi verso le 8e30 finalmente go visto la luce o meio le nuvole de Bangkok e subito son stado asalido da un milion de rompic…… che zercava de racatarme e portarme in cità chiedendo cifre a caso e senza senso, lori pensa, turista, pena rivado, stanco, che non conosi la Thai e de conseguenza i suoi prezi…ndemo a nozze e lo inculemo! Ma cicini miei con tuti le drite gavude da amici xè come se fosi stado in Thai 10volte quindi con mi no fe afari!
Bene anche se el bus iera la via piu economica, spacado come iero go optado per un taxi, più veloce e confortevole, che me ga scarigado drito nel cuor malado de Bkk, Kao San Road. Smontado dall’auto son stà riasalido dà circa una decina de soferi de tuk-tuk, impressionante, gave presente go ghe se dà de magnar ai porchi, stesa roba, in diese a sburtarse e zigar nomi de posti dove star e cifre a caso.
Eco questo xè stà el momento in cui go comincià zà a odiar Bangkok, quindi disemo che in un’ora zà no ghe ne podevo più!
Ben consapevole de tuti i trucheti e grazie ai consigli dei tanti amici me son ciapado per conto mio e go taca a caminar in zerca de una guesthouse consigliada dall’amico Ema, mapa ala mano me son lanciado ala sua ricerca, rivado nei dintorni go chiesto info a un signor Australian che cocolisimo me ga indirizado verso la sudata accomodation e perdipiu me ne ga consigliado un’altra drio l’angolo che ala fine go scelto perché ancora più conveniente e decente! Fata, camera singola, bagno in camera, aria condizionada e tv sateliatare il tuto per 350Bath(8euri) e in piu nel centro nevralgico de bkk ma distante quanto basta dal casin! Well done!
Doccia immediata, un poche de pirole antinfluenzali e drito a dormir tuto el gg, no avevo gnanca la forza de caminar!
Me son risveiado la sera verso le 8 ancora spacado go trovado giusto la forza de uscir dall’albergo, magnar qualcosa nel ristorante de fianco e tornar in camera a spavar!
El gg dopo sentindome un pelin meio me son azardado a far una caminadina nei dintorni giusto per capir dove iero finido, ben go subito realizado: in un manicomio J!
Poche ore dopo son rientrado in hotel e go speso tuto el gg guardando Tv e riposandome sperando de guarir il prima posibile!
Arriva il terzo gg, me sveio e finalmente me sento meio, disemo ben, giusto un poco fiacheto ma suficentemente forte per decider de eser guarido.
Me fazo un bel gireto in Kao San Road, la via piu famosa de Bkk e dintorni, piena de botegheri che vendi strafanici contraffati de tuti i tipi, e dopo decido de farme un giro sul fiume o meglio fogna che taia la cità, el Chao Praya River. Me fazo tute le fermate, la visuale dal fiume sula cità rendi l’idea dello stato de igiene e povertà de stà povera gente, i vivi in condizioni disumane, su palafite tociade in tel fiume, senza porte, finestre, cusinando per tera.
Dopo gaver scoperto la realtà Tailandese smonto all’ultima fermata ciamada Central, praticamente se trata de Chinatown, un rion immenso ancora piu incasinado de quei prima dove ghe xè solo cinesi che vendi de tuto! Te imagini se qua podeva mancar i cinesi, xè incredibile…ma quanti i xè, in Australia i xè come formiche, in Europa compagno e qua a Bangkok repete! No fazo comenti che no saria bel ma ve digo solo che no li poso veder, son sazio de lori!
Pasada Chinatown ciapò un tuk-tuk e me fazo portar a veder el Standing Buddha, enorme, alto circa una ventina de metri circondado da chiese e statue inerenti el Buddha in diverse “configurazioni”J”.
Dopo de questo vado x veder el Grand Palace ma chiudendo in 20minuti rimando la visita a data da destinarsi e me fazo portar casa dal mio autistaJ
Sentindome particolarmente in forma decido de far un poca de serata e dopo un profondo restyling me fiondo in Kao San Road, zeno in strada ciolendo un PadThai cusinado in bancarella e me lo magno senta su un scalin. Desert un bel sacheto de ananas e la zena xè fata, costo totale 35Bath(80cent). A panza piena inizio coraggiosamente l’attraversata dela pedonale Kao San Road, ragazzi xè una vera e propria aventura, la via sara lunga si e no 300mt ma no se ga un secondo x respirar, me se fionda doso gente de tuti i tipi ofrindome tuk-tuk, taxi(ovviamente parchegiai in mona), prostitute, magnaccia, promoter x discoteche e putanti con tanto de coredo fotografico, venditori ambulanti de cibo e bevande, ecc…insoma un bordel!
Ghe vol un poca de esperienza per sopraviver a questa traversata, esperienza che nei gg seguenti sarà già a boni livei! Insoma, me fazo un poche de birete in un per de locai/disco tanto per farme l’idea de come nunzia e disemo che no xè definizion migliore de “bordel” in tuti i sensi!
Decido de no far tardissimo perché el gg seguente me piaseria andar via de qua e de conseguenza la matina me serviva per decider, pianificar e comprar el biglietto del mezo necessario.

Australian's blog, momentaneamente sospeso...coming soon!

Chiedo scusa a tutti gli amici, parenti e lettori x il mancato agiornamento dela mia aventura Australiana.
Ciò xè avendo a causa dei miei continui spostamenti, dela poca voia e dela mancanza de tempo vuoto.
Prometo che tuto sarà aggiornado in 3-4 setimane, nonappena sbarcherò in quel de trieste e poderò beneficiar de una scrivania e de un computer con conesion stabile ;-)!
Adeso cercherò x quanto posibile de tegnirve aggiornai con la mia attuale avventura in Thailandia, no prometto niente ;-)!
Un abbraccio a tutti!

Tassie, the land under down-under !

Tasmania, quell'isoletta sotto l'Australia, isoletta solo perchè vista vicina alla mainland, sembra una monada, in realtà non xè per niente picia, come superfice podemo paragonarla al Triveneto e Lombardia mesi insieme. Geograficamente copri meno dell'1% de tuta l'Australia!

Con una popolazion de circa 480mila abitanti, di cui 3/4 vivi nela capitale Hobart, podè imaginar quanta natura incontaminata e quanta pase pol ofrir.

Xè a dir poco una meraviglia, un paradiso naturale, offri spiagge da sogno, distese de verde infinite, montagne, laghi, cascate, insoma xè el riasunto dele meraviglie del mondo, non per niente l'Unesco gà riconosudo innumerevoli siti naturali in Tasmania come patrimonio dell'umanità e de conseguenza protetti e tutelai.

Bon iniziemo a parlar della mia avventura in Tassie, tutto xè inizià verso i primi de gennaio quando me son autoconvinto che iera giunta l'ora de cercar lavor in qualche farm. Voi dirè, perchè proprio in farm? Il perchè xè semplice, il Working Holiday Visa in Australia vien dado solo una volta nela vita e per la sola durata de un anno, ammenochè appunto no te lavori 3mesi nele farm e a quel punto, te pol estenderlo per un'altro anno alle stesse condizioni! Allora me son dito, lavorar ben o mal devo altrimenti me bruso tuti i soldi, femolo nele farm cusi oltre ala pila me ciapo anca l'estension del visto, miga mona ah :-)

La scelta dela Tasmania xè stada detada da due fatori, uno, clima molto più fresco, ideale per lavorar in campagna specialmente in estate, secondo perchè la rientrava nei miei obietivi, due piccioni con una fava!

Il 18gennaio son svolà con un volo interno da Melbourne alla capitale Hobart, rivado là, spaesà e senza colegamenti me son sistemà nel primo ostel che go trovà libero, l'Hobart Hostel, una meza schifeza ma per 3gg soportabile.

Dopo eserme goduto il sabato sera in compagnia de un paio de putele conosude per caso in giro, la matina dopo, mezo spacà, al risveglio me son ritrovà un novo compagno de stanza, un'energumeno biondo, il mitico Lutz, tedesco de Bielfeld anche lui in Tassie per lo steso motivo. Gavemo tacà ciacolar dele nostre esperienze e obietivi e a quel punto se gavemo meso insieme ala ricerca de una farm che ne cioghi a lavorar. Bene dopo decine de telefonade nele quali go capi seminiente, tra qualche contatto mio e qualche altro suo finalmente gavemo trovà qualchedun che ne cagava! Se tratava de una Blueberries(mirtilli) Farm, il farmer, tale Carl ne ga dito de vegnir subito in serata per far un colloquio, un colloquio se gavemo domandà? Gavemo de ingrumar fruti miga far i manager, boh! Come femo, come andemo, go avudo la brilante idea de ciamar un'amico de mio cugin Luigi che gaveva un'oficina de machine a New Norfolk, dopo do ore ierimo zà a bordo dela nostra nova compagna de viagio, una vecia Ford Laser giala, recuperada al volo in una autodemolizion da lui steso.

Questo iera un lunedi, la sera verso le 6, apena ciolta la machina se dirigemo verso Oyster Cove, paeseto dove ne spetava Carl e la sua farm. Ben la trovemo miracolosamente quasi al primo colpo, rivemo là e se ritrovemo una banda de hippy che gaveva apena fini de lavorar, ghe chiedemo se semo nel posto giusto e i ne dà conferma con aria un pochin losca. A quel punto compari il nostro futuro dator de lavor Carl, che senza perder tempo ne porta a far un giro per la farm e ne tacà a ciacolar, ne parla de come funziona la farm e alo steso tempo cerca de farne domande personali per conoserne. Non gavendo capi quasi niente e gavendo risposto a semi caso, non so perchè ma ghe semo piasui e ne gà subito "asunto" :-) Se domandemo, ok, fata ma dove e come dormimo stanote? No worries, Lutz gaveva la sua tenda ma mi no gavevo niente e alora te vedi che in due minuti, Carl, me tira fora tenda, materasin, saco a pelo e cusin. Resto un fià a boca verta e spiazà ma oviamente aceto il tuto ben volentieri e cusi me ciapo e vado a costruirme quela che sarà la mia casa x circa 30gg poche decine de metri distante dala farm.

Se ritrovemo con enorme sorpresa una sorta de tendon che fungi da lounge, mezo dirocado ma completo de frigo, tv, dvd e divan! Zinque stele anzi femo 4 e mezo dei!

Pasemo la serata ciacolando coi muloni che anche lori campegiava là, parlando del lavor, de lori, de noi ecc.... Dopo un poco me domando e de conseguenza ghe domando, con tuto el lavor che xè in Australia, chi ve lo fa far de lavorar in quà in campagna come zingani per do schei? Eco che i me svela il trick! In quanto uficialmente disocupai, il stupido governo australian che dà una specie de susidio de disocupazion che xè pari all'ultima paga ricevuda, quindi da un minimo de 400$ all'infinito, il tuto per stimana, quindi lavorando in farm in "nero" i arotonda! Dighe moni! Si podemo dirghe mona al governo!

Bon ndemo vanti, la matina seguente, Carl ne ciapa e ne fa veder una specie de videocorso su come se racogli sti benedeti mirtili, un fiatin patetico pensemo noi ma lui xè sai convinto che ingrumarli xè una specie de arte e noi no podemo che asecondarlo.

Mentre stavimo vardando el video sucedi una sorta de miracolo, se verzi la porta de casa ed entra una figa che no ve conto, anzi ve conterò, pareva un miragio considerando dove ierimo! La saluda e la se fà i cavoli sui per casa, ala fine scopro che la xè amica de Carl e alo steso tempo suo fradel xè uno dei muli che lavora quà, disemo che la iera giusto in visita de cortesia. Mi me gà ciapà una sorta de infarto co la go vista e quindi finido de veder el video, vado subito ala caccia e la trovo in cusina, me presento, se ciacola e subito dopo la me invità a bever un thè con ela, bon per una bona causa come questa aceto e bevo anca el thè! Tachemo a ciacolar(o meio ghe provo) e disemo che no poso pensar altro che a quanto la xè figa, specie se mesa nel contesto dove ierimo, parlemo del più e del meno e cusi la sera se ne và. Il giorno seguente se taca a ingrumar mirtili seriamente, sol che brusa, Carl che ne frizi con stà sua teoria de raccolta che no stago gnanche a spiegarve e giornata che svola come niente! Verso le 5, apunto finido de lavorar, mi e il mio socio Lutz se rilasemo stravacai soto un albero con un per de birete e comentando el novo lavor femo svolar el tempo fino circa ale 9, Lutz va dormir e mi invece resto a pindolarme col pc fino a quando vedo rivar una machina, una Fiat Punto ultimo model, la prima vista in Aussie e chi smonta? La mula del giorno prima, Pia e la se presenta nel migliore dei modi overo con un bel six pack de birete! Cusi va finir che se pasemo una bela serata sorseggiando birete e ciacolando de noi, insoma il tuto progeti secondo i piani :-)

Bene el giorno dopo prosegui el fruit picking con Carl sempre pronto a interromperne dandone lezioni de vita, el se credi una spece de stregon ed el xè convinto de gaver poteri sovranaturali con i quali el cerca sempre de iutar la gente, che sia vero o no ancora non lo so ma in ogni caso xè una persona stupenda e molto interesante alo steso tempo! Infati spesso capitava in farm muleria che vegniva a ciacolar con lui, disemo che el xè una specie de psicologo e tuti i giovani lo adora e lo cerca!

Bon la giornata fila lisa avanti e fini lavorar ricompari Pia ma sta volta con un borson, la ga deciso de trasferirse là con noi!

E cosa volè el fascino istrian colpisi ancora :-)

Grazie a Pia (combinazion la xè de origini taljane) nella farm tutto cambia nel bene e nel male. Nel bene perchè gavemo una bela compagnia, le serate in farm se ravviva, la ne scarrozza in giro, la ne porta a pescar de note, se ridi se scherza ecc.... ma nel mal perchè ala fine lavoro sempre meno, (el picking xè pagà a kg e podemo lavorar quanto volemo) son sempre in giro, de sera me imbriago e de matina spavo, ala fine invece che far soldi, li spendo!
Chiudemo sta parentesi e versemo un'altra parlando degli altri componenti della banda :-)
Jono, mulon kiwi, un personaggio unico, indimenticabile, gran bibitela, lui praticamente vivi girando l'Australia e lavorando nele farm, in questa el se ferma ogni anno circa 4mesi, el xè una sorta de braccio destro de Carl.
Steph, morosa de Jono, coreana, vegnuda 1anno e mezo fà a lavorar quà e mai più tornada a casa.
John Wayne o meio cusi lo ciamavo mi dato il suo nome impronunciabile, perlomeno sonava simile, mulo honkkonghese, cosa dir, buh, un pazzo, dormiva e ingrumava mirtili, vita sociale pari a zero, el se spaciava per eser un ex agente segreto del suo governo, fe voi, no savevo se gaver paura o compasion per lui!
Il resto iera un bataglion de giaponesi, cinesi ecc...tuti compagni per mi, che andava e vegniva continuamente, i durava 1-2gg e dopo i molava, magari iera sempre i stesi ma va riconoserli ti :-)
I muli hippy i xè restai solo per un per de gg e dopo i ga molado perchè a quanto par ga sbarufà con Carl.
Da non trascurar, i nostri fedelissimi compagni de picking, 3 cani speciali; Zec, can de casa, un can prodigio, ciamado soccer dog, el zogava a balon meo de mi, cocolisimo e inteligente come nisun can che mi gabi visto finora; Bez, ogni matina ale 10 spacade dopo una un per de km de caminada(el viveva nel paese adiacente) el xè presentava in farm dove el stava tuto el gg a zogar con noi e coi suoi simili; Gimcy, el piu giovane e rompibale, can de Steph, corean come ela, dispetoso e disobediente ma ala fine ghe voleva anca uno cusi!
Bene la squadra grosomodo xè al completo, saria diverse altre persone che ga fato varie comparse ma non gavendo lasà el segno non le cito :-) se no no finimo più :-)

Tornemo alla vita da farm, il picking procedi a singhiozo per i motivi sopracitati, il tempo passa velocissimo, el divertimento cresi de gg in gg, con Pia son riva al punto che se semo mezi morosai e con el resto dela banda se tira sagra ogni sera fino a tardi, farmer compreso....e questi xè i risultati :-)

Che bei momenti, che bei ricordi, me la son pasada ala grande, poco de far più le robe vien spontanee e inaspetade, più le xè bele!

Tornemo al tasto diventado dolente, la baba, sempre la semo dei, co xè babe de mezo xè casin :-)

La storia con Pia volgi un poco tropo sul serio, la inizia a fantasticar de vegnir in viaggio con mi, molar tuto e dopo vegnir in Italia......ma cos te se ga impazido?

Situazion che comincia a farme paura e causa dele prime inevitabili criche. Ghe go meso un poco a decider, da una parte ok, bela mula, sgaia, me iuterà con l'inglese ecc....ma dall'altra parte mi son quà in cerca de libertà in ogni senso, libertà che vegnisi a meno nel caso la vegnisi con mi.

Responso quasi obligato, Pia me dispiasi ma questa xè la mia esperienza e niente devi tocarmela o modificarmela, voio andar e far quel che voio mi e non dipender da una morosa anca in Australia, me son giogado tuto e go perso una morosa de oro a Trieste per vegnir quà, morosa che probabilmente rimpiangerò per sempre, no poso ciorme sto rischio con ti.

Detto fatto, nel giro de un per de giorni la xè sparida in sfumada, epilogo scontado e a malincuor digo, meo cusi!

Bon dopo sta parentesi, xè giunta l'ora de programar el Tassie Tour, tour a cui inaspettatamente se ga aggregado anca Lutz, tanto meo, bon comincemo a consultar le nostre rispetive guide e a racoglier inumerevoli consigli da parte de Carl, Jono e altri.

Continua..........no so quando :-)

Australian Open

Mi col tennis no go mai avudo sai a che far ma un occasion cusi limpida per andar a veder i piu grandi campioni del mondo, non podevo farmela scampar!
No go mai giogà a tennis salvo che a scola(che ciamarlo tennis xè tuto un dir) ma me gà sempre piaso vardarlo in tv, anche se ultimamente no capitava spesso, son restà ai tempi de Becker, Ivanisevic, Sampras, Agassi ecc... quindi bona parte de tuti i fighi che ga partecipà a sto torneo a mi me risultava semisconosciuti.
Go deciso de andar in una delle prime serate, per motivi esclusivamente economici, ogni do giorni el prezzo andava su de 20$, quindi meo prima che mai!
Perlomeno go cercà la serata dove giogava qualche figo e fortunatamente disemo che me xè andada ben, me son becado Federer e Venus Williams, non mal!
Il primo incontro della serata iera appunto quel dela Williams(ciò la xè come una simiota)contro la cinese Yan, che no iera niente mal, tanto xè vero che la Venus ga bazilà no poco a gaverla vinta! L'incontro dopo e principale della serata ga visto el n°1 del ranking mondiale Roger Federer allenarse nel vero senso dela parola contro Diego Hartfield, povero mulo, se ga ciapà una vera e propria umliazion! Mi non capirò sai, ma ierimo a livei che la gente sui spalti xfin rideva e lù povareto, se sbraciava verso el publico, come dir, no so casa far! Federer se ga dimostrà de un'altro pianeta, el xè andà via gnanca sudado!

Chiudendo col discorso tecnico sportivo, el marzian Federer ga trovà un più spaziale de lui, Djokovic, serbo col muso da vero jugo, comunque non uno qualsiasi, ex n°3 del ranking mondiale, che in una finale strabiliante, contro tutti i sfavori dei pronostici ghe ga dà una lezion all'ex pluricampione, addirittura attirando i favori del publico, contro de lui all'inizio e dala sua parte verso el finir dela partida! Bravo mulo, ala fine mi tegnivo per lui, mi tegno sempre x i più deboli e per una volta me xè andada ben :-)!
Parlemo dela manifestazion in generale, una figada, bellissimo ambiente, tifosi da tuto el mondo, pituradi, travestidi, imbriaghi, insoma tanta alegria. Organizazion eccellente, come da tradizion australiana, el torneo se ga svolto in due stadi principali, la Vodafone Arena e la RodLaverArena(dove iero mi), mentre tuto intorno a i sti do impianti(tacai tra de lori) xè stai alestidi una ventina de campi provvisori dove se svolgeva le fasi eliminatorie. In tutto sto complesso, che tuto insieme iera veramente grande, iera misiai decine de bareti, chioschi, ristoranti, negozi e un supermegamaxi schermo, che proietava in direta le partide principali che se stava svolgendo in quel momento nei stadi.
Belisimi e modernisimi gli impianti da gioco, sugli spalti ghe iera perfin i tapedi, sotto gli spalti invece una sorta de mini centro commerciale, copertura richiudibile in caso de maltempo(tutti quà la gà) e tuto perfetamente in ordine, gnanche una scovaza pertera, tute robe che a mi, abituà a frequentar el Rocco, me gà fato una certa impresion :-)

Concludendo, questa xè stada la prima volta che go visto el vero tennis dal vivo, me ga piaso sai, bel de veder, bel ambiente e una bona scusa per andar a divertirse, meo se in compagnia! Se ricapiterà l'ocasion ghe andarò ben che volentieri!

Painter

Eccome quà, go pena finido la mia prima esperienza lavorativa Australiana.
Per do stimane go fato el pitor nela dita dove lavora mio cugin(paraculado ah) xè una dele poche robe che ancora no gavevo provado, meo cusi, savè che me piasi sempre imparar robe nove.
Go lavora giusto 2 settimane x far un poca de musina, una settimana prima de Nadal e una in Gennaio. E son stà anche fortunado perché me son ciapado el pranzo e la bevuta prenatalizia for free. Tuto calcolà :-) Sveia alle 6 e zà qua longhi, alle 7 zà in lavor, no me crederè ma ghe la go fata, go fato come se suol dir el bubez, gratar e stucar porte e finestre quasi tuti i giorni il tuto con 40 gradi, no ve digo e no ve conto che dura che xè stada, go ancora incubi! Ah da non trascura modestamente go anca piturado un garage!

El lato veramente positivo xè stai i 25$ all’ora che me dava, notado e in regola, xè una signora paga per un che vien come mi dall’Italia, dove per un signor mestier come gavevo mi, ciapavo si e no 11$ all’ora!
Se lavora come in Italia, 40ore settimanali salvo eccezioni, ma a differenza dell’Italia, quà se lavora sul serio 8ore al giorno, no esisti pause cafè o cichin, te ga la tua mezoreta per pranzar e poco altro, sicuramente piu dura ma a fine settimana te vien premiado co te ricevi la busta paga(qua i paga setimanalmente)!
In Australia ghe xè un estremo bisogno de manovalanza e competenze tecniche, gli australiani mediamente xè dei lavativi o meglio, non ama lavori manuali dove xè de far fadiga, lo stà a dimostrar ad esempio le decine e decine de operai che go conosudo, praticamente tuti stranieri!
L’australian medio preferisi el lavor de ufficio, vestito, cravata e sai ghe piasi eser manager, qua tuti xè manager! Per questo motivo i lavori cosideti sporchi, necessita de operai a tuta forza, ragion per la quale te trovi lavor con estrema facilità. Se dopo te gà un mestier, vedi tubista, carpentier, piastrellista, marmista, ecc… te son a posto, pila a go-go!
Feve do conti e ve renderè conto de come xè relativamente facile viver economicamente ben, roba ormai imposibile in Italia!
No stago disendo che i regala ma solo che se te ga volontà, quà te vien premiado.

Soccer Australian

Finalmente go podù veder con i miei oci quanto che i xè scarsi!
Son andado a vedere i Melbourne Victory al belisimo TelstraDome de Melbourne.
Quà i campionati ancora no go ancora capido ben come funziona, comunque sembra che ghe sia un campionato principale dove gioga squadre da tuto el continente e dopo ghe xè i vari campionati nazionali, disemo de secondo livel.
Bon, quel che iero a veder, xè il principale, gli avversari iera i NeoZelandesi del Wellington, squadra veramente de categoria, si ma nostra in Italia, tipo Chiarbola o Costalunga! Batudon…..
Ga vinto Melbourne 3 a 0 e devo dir che nei Melbourne ghe iera do tocheti boni da consigliarghe a Fantinel, un fantasista me par cilen e un centrale de centrocampo spacagambe. A parte questi, el resto poca roba, poso scometer a ocio che adiritura l’Unione ghe daria un diese balini, dito tuto!
Menzione speciale x l’impianto sportivo, Telstra Dome, costruzion probabilmente recente, capienza circa 55mila posti, una figada, sotto i spalti pien de negozi e bareti, alcolici ovviamente permesi, steward all’inglese, adirittura el tetto se pol chiuder in caso de intemperie atmosferiche.

Grande correttezza e pulizia fora e dentro allo stadio, disemo che el calcio quà xè segui con sai meno foga agonistica, anche perché in Australia xè un sport secondario, quà comanda rugby e cricket, ma sopratuto perchè la gente xè meno sciopada!
Tornando al tetto richiudibile o removibile come volè ciamarlo, volevo solo precisar che quà a Melbourne quasi tuti i stadi lo gà,(si, gavè capi ben, ”tuti” perché ghe ne sarà almeno 5 e i stà pena costruindo uno novo, disemo un per sport e anca vanza) proprio perché stà cità xè famosa per cambiar condizioni atmosferiche drio man, come i disi lori, 4 stagioni in un giorno(confermo, xè vero)!
Bon parlemo del tifo, non xè minimamente paragonabile al nostro, disemo che te pol portarte drio la morosa senza risciar che te la violenti :-)
Molto meno caloroso ma molta piu coretezza, no ghe xè recinzioni tra campo e spalti, (stile inglese), poche sbrisurie e tante famiglie, insoma un’ambiente tranquillo, stile pallacanestro nostra, tanto per render l’idea.
Parlando de balon, guardando la partida salta subito all’ocio come i xè indisciplinai tatticamente, squadre lunghissime, mai una verticalizazion, i crosava sempre da trequarti campo, spazi immensi lasai svodi, qua se te sa corer veloce e darghe de puntalin te fà disastri :-)
Un’altra curiosità xè che nei Melbourne, almeno 9/11 iera stranieri, dei quali boni 6 iera croati, i drusi xè presenti in ogni sport australian, senza de lori quà noi savesi gnanche le regole!
Bon per finir, va dito che la nazionale australiana a livel mondiale xè cresuda tantissimo, questo grazie al fato che i zogadori boni gioga da noi in Europa, invece a casa sua il calcio xè ancora de baso livel, i devi ancora far pratica ma non importa, la gente sul calcio no xè sai competente e ghe va ben cusi!
Come disi el mio caro ex workmate Ricky: “l’importante xè eser felici”!
Evviva lo sport!

Christmas & New Year's Eve!

Fata anche questa!
Nadal e Capodano in Australia con 40°, anche questa xè un'esperienza!
Per eser sincero, no xè la stesa roba, anche perchè evidentemente quà gli Australiani senti de meno questi eventi, no i ga tanta considerazion de queste festività, l'atmosfera non ga niente a che veder col Nadal, niente addobbi natalizi per strada, niente vetrine pastrociade, insoma sembra un periodo qualunque per lori!
Go avudo modo de discuter piu volte con la gente del posto, per lori non xè niente de strano, anzi xè bel cusi. Ma cosa xè de bel se non ghe xè niente? Poveri, se vedi che xè un popolo novo e che non i ga alba de niente, xè come dei marziani che cerca de copiar noi altri.....ma non i ghe la fà! No ve digo quante discusioni che go fato a riguardo, tanto per farve un esempio,per tv i gà mostrado, come a Sydney, nella famosa spiaggia de Bondi, Babo Natale riva col JetSki, trainando una barcheta cariga de pacheti regalo e i fioi là a spetarlo, Nadal ah?
Provè a spiegarghe anche voi a sti mati che solitamente Santa Klaus usa menar el suo fidato careto trainado dale sue fidade renne, credo sia più naturale e più tradizionale, no? Bon, lasemo perder, mi il Nadal lo go pasàdo con Alessia a Rye, località balneare a 100km da Melbourne ala casa estiva dei nostri parenti, questo xè stado l'unico momento nel quale go vagamente percepido la festività perchè da boni Istriani se gavemo fato una magnada incredibile quasi come casa e se gavemo scambia adiritura i regali:-)!
Questo grazie a delle splendide coghe come Anna e l'immancabile Teta Zora!

Finido el pranzo semo ritornai ala "triste" realtà, pomerigio pasado in spiaggia, caldo de morir, solada compresa e come se non bastasi go perso el mio anel de oro, mentre me rodolavo nel bagnasciuga! Nadal indimenticabile, in tuti i sensi :-) Per l'ultimo dell'anno invece semo tornai parzialmente alla normalità, insieme ad Alessia, Amanda e amici gavemo trascorso la notte dell'ultimo al The Point, un mega Ristorante/Discoteca in Albert Park, per chi che segui la F1, ierimo precisamente dentro el circuito, discotecon alestido su due piani, piu mega tendon all'esterno, affaciado sul lago e come se non bastasi, el mitico Monta( moroso o forsi ex, no sà gnanche lui, de mia cugina), in concert!

Gran gran bel posto, calcolè che sto mega parco sorgi praticamente in centro città, el xè immenso, se estendi per km e colega el centro cità al famoso soborgo de St.Kilda, insoma un vero e proprio polmon per stà cità. Biglieto che gà costado una scioca, 125$, ma in compenso, bever e magnar all inclusive, quindi da bon istrian podè zà imaginar quanto che gò bevù, almeno per 126$ :-)!